Por Galicia Confidencial | Lugo | 18/08/2016 | Actualizada ás 10:00
A realización dunha praia fluvial de Lugo está a piques de converterse nunha telenovela política tras as diferencias que manteñen distintas institucións, unhas gobernadas polo PPdeG e outras polo PSdeG. Así, o Concello e Deputación de Lugo consideran “unha falta de compromiso, de lealdade institucional e ninguneo” a prontitude coa que a Confederación Hidrográfica Miño-Sil (CHMS) respondeu a un chamamento do PP local para unha posible ubicación dunha zona pública de baño no río Miño.
Unha medida que, segundo estas institucións, deixa a expensas as solicitudes presentadas no seu día por ambas entidades despois de quedar descartada a ubicación inical por estar localizada nunha zona protexida pola Rede Natura. Por iso, cualifican de “reacción electoralista” a decisión da da CHMS de responder en 6 días a un documento presentado polo PP.
O enfado do concello e da deputación agudizouse tras meses agardando por respostas con respecto á praia fluvial por parte do CHMS e logo da presentación de varios informes técnicos. Por iso, consideran que a Confederación Hidrográfica amosa ademais unha desconsideración cos traballadores e traballadoras das institucións, “posto que realizaron un traballo para acreditar ditas solicitudes, que quedaron gardadas nun caixón”. Neste sentido, piden a máxima celeridade á Confederación para desbloquear a creación dunha zona de baño para os lucenses.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.