As empresas galegas desprázanse a Portugal por ser máis barato
Prezos do chan industrial máis económicos e a inexistencia de conflicto sindical axudan á emigración das compañías galegas.
Por Galicia Confidencial | Valença | 29/08/2016 | Actualizada ás 11:24
"Trabalho e terrenos baratos atraem milhões da Galiza". Deste xeito titulaba o Jornal de Notícias unha nova na que destaca a importancia que nos últimos tempos está tendo a presenza das empresas galegas no norte de Portugal.
Así, o xornal luso destaca que os prezos dos terreos e a "paz social", sen a existencia de conflictividade sindical da rexión norte, está "atraendo" aos empresarios galegos, principalmente, do sector do automóbil.
"Solo industrial ao preço da chuva ou a custo zero, mão de obra mais barata, processos de instalação desburocratizados e sindicatos menos agressivos. As empresas galegas descobriram que basta saltar a fronteira para encontrar nos parques industriais do Alto Minho uma realidade bem diferente da que enfrentam atualmente na Galiza, e para acelerar na competitividade", indica.
Unha industria que xira en torno aos novos modelos a construír por PSA-Citröen en Vigo e que aposta, con forza, polo territorio portugués para expandir a súa produción e mesmo deslocalizar no país veciño as súas unidades.
