Morgan e Tulipa Ruiz actuarán este luns na Coruña no ciclo SON Estrella Galicia

A banda española Morgan e a compositora e cantante brasileira Tulipa Ruiz actuarán este luns, día 12, na Sala Garufa da Coruña dentro do ciclo SON Estrella Galicia, segundo informa a organización.

A súa actuación forma parte do novo proxecto dos promotores deste ciclo para xuntar a música alternativa española coa brasileira e que incluirá concertos tanto en España coma en Brasil.

En concreto, precisa que, en ambos os dous, un artista ou banda de cada país compartirán escenario "nun intercambio artístico que busca levar as experiencias SON Estrella Galicia máis alá das nosas fronteiras", indica sobre a axenda de concertos en España.

Os encargados de inaugurar esta serie de concertos serán a banda española Morgan e a compositora e cantante brasileira Tulipa Ruiz, con dúas datas únicas no Teatro Lara de Madrid, o 15 de setembro, e a Sala Garufa Club na Coruña, este luns. En Brasil, repetirase o mesmo concerto a finais de outubro.