Crystal Fighters tocará na coruñesa Sala Pelicano o próximo 3 de decembro

A xira europea de Crystal Fighters inclúe varias paradas en España: A Coruña (3 de decembro, Pelicano), San Sebastián (5 de decembro, Velódromo de Anoeta), Barcelona (7 de decembro, Sant Jordi Club), Granada (9 de decembro, Atarfe), Valencia (10 de decembro, Pavillón de Feira de Mostras) e Madrid (11 de decembro, BarclayCard Center).

Tres anos despois da súa anterior obra, Crystal Fighters regresan co seu terceiro disco, 'Everything Is My Family', á venda o 21 de outubro a través de Play It Again Sam.

O trío central formado polo cantant Sebastian 'Bast' Pringle, o guitarrista e txalapartari Graham Dickson e o multi instrumentista Gilbert Vierich empregaron os últimos tres anos en percorrer o planeta, reconectar coa natureza e aprender a tocar instrumentos esquecidos.

Segundo Bast, este álbum "é máis bailable, máis psicodélico, máis tropical, máis desfasado, máis luminoso, máis fermoso e máis todo" que nada que fixeran antes.

'All Night', a primeira canción desvelada do álbum xa chegou a tódalas partes entrando en numerosas listas de radio europeas e a punto de alcanzar xa os dous millóns de streamings.

NOVA CANCIÓN

Agora chega outra nova canción, 'Ways I Can ' t Tell', estreada no programa de Zane Lowe Beats 1 e parte do puñado de temas compostos pensando especificamente no directo.

"Escribimos cancións que nos fagan bailar no estudio", di Bast. "Supoñemos que se nos fan bailar a nós, probablemente tamén farán bailar máis xente", sentencia o vocalista.