A Cátedra Inditex-UDC organiza un curso de postgrao en Responsabilidade e Innovación Social

A Cátedra Inditex-Universidade da Coruña (UDC) organiza un curso de postgrao en Responsabilidade e Innovación Social para o que o prazo de inscrición remata este sábado 15, segundo informan os organizadores. As sesións lectivas desenvolveranse entre os meses de xaneiro e maio na Facultade de Economía e Empresa do campus de A Coruña.

Nun comunicado, precisan que os interesados en matricularse na sexta edición deste Curso de Especialización en Responsabilidade e Innovación Social (CERIS), da Cátedra Inditex-UDC de Responsabilidade Social, poden realizar a súa solicitude de preinscrición ata o 15 de outubro.

O programa conta con máis dunha trintena de profesionais do ámbito da innovación e a responsabilidade social corporativa vinculados a empresas, institucións académicas, organizacións non lucrativas e administracións públicas.