OPINIÓN.- O antebrazo de Zapatero
Por María Seoane Romero. A semana pasada o Presidente do goberno de España andivo alén do Atlántico nunha por él codiciada entrevista co máximo mandatario estadounidense. Entrevista que non pasou de ser unha formalidade que aquí se nos pretendera vender como o fin do mundo coñecido. Como o amencer dunha nova era. O martes pasado mirei ó ceo a ver se atopaba unha luz especial, cegadora, por aquelo do acontecemento interplanetario, aquel que soñou Leire Pajín. Mais non houbo nin tan sequera unha estrela fugaz...
Por Galicia Confidencial | Galicia | 21/10/2009 | Actualizada ás 08:31
Zapatero estaba entusiasmado, coas cellas máis en punta que nunca, ante as portas da Casa Blanca, sobre todo cando Barack lle pousou a man sobre o seu antebrazo, e todo isto pese a súa coñecida animadversión cara os yanquis e a súa bandeira. Pero debeu decir o de Groucho Marx, "estes son os meus principios, se non lles gustan teño outros". Pero a foto co flamante Premio Nobel da Paz ("futura") xa non ten o valor mediático desexado nun momento no que a opinión pública española xa non está para que lle vendan fume.
Por iso a escena non lle saliu ben a ZP desta volta. O ostentoso marketing Ferraz quedou reducido á realidade de youtube que nos deixou saber que detrás da foto na que o Partido Socialista Obreiro Español pretendera que representara a complicidade entre os dous presidentes, é tan só á comprensión de Obama, moi educado el, porque o noso Presidente non se enteraba cando lle falaban en inglés: Obama agarrou a Zp polo brazo e dixo: "síntoo, falei demasiado rápido, e non me percatei de que aquí hai xente que non entende o noso idioma".
O único que tiñan os socialistas para amosar un pouco de liderazgo de José Luis Rodriguez Zapatero era unha foto de "amizade" con Barack Obama pero agora que a foto lles fallou, que queda desta reunión interplanetaria? O envío de máis gardas civís españois á guerra de Afganistán.
María Seoane é presidenta de NN.XX. de Galicia e deputada no Parlamento Galego.
