O Grupo Cuevas intensifica o seu plan de expansión cun novo supermercado Plenus en Lugo

O Grupo Cuevas abrirá este mércores en Lugo un establecemento de 650 metros cadrados de superficie baixo a marca Plenus, o formato de supermercados de proximidade.

A nova tenda, na rúa San Roque, xerará inicialmente 10 empregos directos. "Apostará pola fortaleza da sección de frescos e polos produtos galegos", segundo apunta o grupo.

Con esta nova apertura, duplica a rede deste tipo de centros en Galicia en apenas dous anos e medio, o que representa, subliña, "un decidido impulso á extensión da súa oferta de marcas propias" por toda a comunidade.

Ademais, indica, o crecemento da rede comercial da compañía no segmento minorista complétase coas tendas Aquí e Aquié, ás que se sumou o pasado ano a insignia Cuevas-Spar.