O MAC inaugura este xoves na Coruña unha mostra do escultor vasco Juan Luis Moraza

O Museo de Arte Contemporánea Gas Natural Fenosa (MAC) inaugura este xoves, 27 de outubro, na súa sede de A Coruña, ás 20,00 horas, a exposición 'Traballo Absoluto' do escultor vasco Juan Luis Moraza, segundo informa.

Comisariada por Antón Castro, reúne "unha ampla selección de obras, tanto de series anteriores coma de nova creación, realizadas especificamente para esta mostra", engaden os promotores da proposta expositiva.

A exposición critica a implantación na sociedade actual do concepto de 'Traballo Absoluto', "aplicado indistintamente a calquera aspecto da nosa existencia", explican sobre o seu contido.

Aberta ao público ata o próximo 5 de marzo, a mostra organízase en sete seccións: Tug of Work, Erosis, Calendario de festas laborais, República, Software, Anormatividad e A festa como oficio.