A Autoridade Portuaria Ferrol-San Cibrao pioneira na implantación da sede electrónica

A Autoridade Portuaria de Ferrol-San Cibrao ten operativa dende o pasado mes de outubro a sede electrónica, o que a converte na primeira do Estado que pon a disposición do cidadán e as empresas unha ferramenta destas características que cumpre cos requisitos establecidos na normativa.

Nun comunicado, a Autoridade Portuaria destacou que, e través da sede electrónica, ofrece un acceso doado e seguro aos trámites e información, ao tempo que garante a integridade e veracidade desta.

Para poder utilizar esta ferramenta solo necesítase un certificado dixital ou DNI electrónico co que se identificar para acceder aos procedementos do catálogo de trámites e para consultar a carpeta electrónica, na que estarán accesibles os documentos presentados ou recibidos do rexistro da Autoridade e os expedientes nos que se figure como interesado. Ofrécese, tamén a posibilidade de coñecer o estado de tramitación das facturas, se é provedor da entidade.

Ademais, en cumprimento de La Ley de Transparencia, Acceso á Información Pública e Bo Goberno, o Portal de transparencia da Autoridade Portuaria estará accesible dende a sede electrónica, mostrando, de forma actualizada, toda a información que poida ser relevante para garantir o bo goberno da entidade.

Segundo subliñou a Autoridade Portuaria, esta sede electrónica é o primeiro paso do proxecto de modernización que a Autoridade Portuaria de Ferrol-San Cibrao puxo en marcha e os obxectivos da cal son mellorar os seus servizos e converterse nunha administración áxil, accesible, segura e económica de cara ao cidadán, empresas e ao resto de administracións e entidades públicas.