Este domingo entra unha nova borrasca en Galicia
Os ceos estarán cubertos con chuvias e intervalos de ventos fortes no norte.
Por Galicia Confidencial | Muros | 20/11/2016 | Actualizada ás 10:20
Durante a xornada do domingo Galicia quedará nunha zona de transición á espera dunha nova borrasca que se achegará polo noroeste nas últimas horas do día.
Así, esperan ceos parcialmente cubertos, con chuvascos máis probables na metade oeste. Pola noite, as chuvias serán xeneralizadas e de intensidade localmente forte, ocasionalmente acompañadas de aparato eléctrico e sarabia.
Segundo a información, as temperaturas mínimas experimentarán un moderado ascenso mentres que as máximas quedarán sen cambios significativos.
Pola súa banda, o vento soprará moderado do sudoeste, con intervalos fortes no litoral norte. Pola noite, aumentarán a fortes en todo o litoral e nas zonas altas.
