O Centro de Innovación Aeroespacial galego fabricará o seu primeiro microsatélite

O Cinae deseñará para a empresa Aistech o satélite '2 U', que orbitará arredor da Terra para captar datos que despois a compañía procesará e venderá.

Por E.P. | VIGO | 13/12/2016 | Actualizada ás 20:19

Comparte esta noticia

O Centro de Innovación Aeroespacial de Galicia (Cinae) deseñará e fabricará, por un custo total superior a 2,3 millóns -financiados nun 30% pola Xunta-, un satélite '2 U' para a empresa Aistech, que orbitará arredor da Terra para captar datos que despois a compañía procesará e venderá.

Edificio Tecnolóxico Aeroespacial, en Porto do Molle, Nigrán
Edificio Tecnolóxico Aeroespacial, en Porto do Molle, Nigrán | Fonte: DUVI.

Tal e como informou o padroado da Fundación Cinae, en concreto subscribiuse un acordo de colaboración público-privado por un período de catro anos coa empresa do sector espacial Aistech Space, polo que se desenvolverá unha plataforma multimisión que será utilizada pola empresa como precursora dunha constelación de 25 microsatélites que aspira a ter.

Trátase dun convenio polo que se materializa o principal obxectivo deste centro situado na localidade pontevedresa de Nigrán, que é "dinamizar o sector aeronáutico e aeroespacial en Galicia". Para iso, o Cinae conta cun equipo de investigadores que xa se incorporaron ás novas instalacións.

Así mesmo, o padroado aprobou un Plan de Actuación para 2017, dentro do que destacan tres proxectos do campo aeronáutico e o desenvolvemento dos satélites mencionados. Así mesmo, está prevista a contratación de persoal ata chegar a 25 científicos, a potenciación da cooperación coas industrias aeronáuticas da área e o apoio ás iniciativas do viveiro e a aceleradora.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta