Por gcdeportes | Vigo | 13/01/2017 | Actualizada ás 12:39
O Real Madrid será o rival do Celta nos cuartos de final da Copa do Rei tralo sorteo celebrado esta mañá na sede da Federación Española de Fútbol nas Rozas. O equipo celeste disputará o partido de ida a vindeira semana no Santiago Bernabéu e terá a vantaxe de xogar a volta en Balaídos unha semana despois.
Deste xeito, o equipo do Toto Berizzo enfrontarase tres veces o Real Madrid no prazo de vinte días, xa que o vindeiro 5 de febreiro (domingo ás 20.45 horas) recibirá o equipo branco en Balaídos, en partido da 21ª xornada de Liga.
O Celta chega a cuartos de final da Copa tras eliminar o UCAM Murcia e Valencia nas roldas anteriores, mentres que o seu rival deixou fóra a Cultural Leonesa e Sevilla.
Os outros emparellamentos de cuartos de final serán:
Real Sociedade – FC Barcelona
AD Alcorcón – Deportivo Alavés
Atlético de Madrid - SD Eibar
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.