Por Galicia Confidencial | Narón | 17/01/2017 | Actualizada ás 09:25
EU Narón denuncia a existencia dun “cártel do lixo”, unha denominación que lle dá a certas prácticas na contratación de empresas externas en Navantia, sobre todo, no que ten que ver coa Xestión Integral de residuos industriais.
Así, critica que unha contratación pública adxudicada á empresa SERTEGO, filial de URBASER foi sancionada pola Comisión Nacional de Mercados e Competencia por repartirse o mercado de xestión de residuos e saneamento urbano. Neste expediente tamén están Urbaser (ACS), FCC, Valoriza (Sacyr) y Cespa (Ferrovial), así como a outras 35 empresas e as asociacións Aselip, Aceser y Arema con un total de 98,2 millóns de euros
A sanción imposta polo CNMC que para SERTEGO foi de 23.289.036€ que a día de hoxe seguen dilatando o pago recorrendo ao tribunais, segundo esta formación. “Estas prácticas non melloran as condicións laborais dos traballadores, senón que baséanse en pactos entre grandes empresas para aumentar os beneficios, a costa do diñeiro público”, denuncia.
Por iso, pide que se coñezan cales foron as outras empresas ofertantes e os criterios da elección, pois os concursos públicos polo xeral sinalan un importe límite da licitación e as ofertas son por debaixo, adxudicándose ao mellor postor como último criterio. Neste caso con un orzamento de licitación 771.270,94€ e finalmente adxudicouse por 936.785,49€ .
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.