SANTIAGO DE COMPOSTELA | 25/02/2017 | Actualizada ás 18:56 por EUROPA PRESS
Galicia estará representada ao longo deste fin de semana na feira de turismo ornitolóxico "máis importante de España", que se celebra desde o pasado venres no Parque Nacional de Monfragüe, situado no municipio estremeño de Cáceres.
Alí, Turismo de Galicia ten instalado un expositor para promocionar os 61 espazos de alto interese ornitolóxico identificados na comunidade galega, segundo informou a Xunta este sábado a través dun comunicado.
Os espazos están divididos segundo os hábitats para diferenciar as "zonas de litoral e mar aberto, áreas agrosilvopastoriles, canóns e vales fluviais, áreas montañosas e boscosas, humidais interiores e contornos urbanos".
Entre elas destacan as dez áreas identificadas como "zonas de alto interese ornitolóxico": Estaca de Bares e O Barqueiro, Ría de Ortigueira e Ladrido, Costa da Morte, Complexo Ons - O Grove, Humidais da Terra Chá, Montes de Cervantes (Os Ancares), Ribeira Sacra Sur, Serra da Enciña de Lastra, A Limia, Oímbra, Monterrei e Verín.
O certame, organizado pola Junta de Estremadura, está considerado como "o máis importante do seu xénero no sur de Europa" e supón "unha cita obrigada" para os especialistas e interesados en ornitoloxía de España.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.