Investigan se os restos humanos achados en Parada de Sil (Ourense) pertencen a unha muller desaparecida en 2012
As análises determinarán se os restos pertencen a Matilde González, xa que nun dos calcetíns figura o seu nome
| 26/02/2017 | Actualizada ás 17:46 por EUROPA PRESS
A Garda Civil investiga se os restos achados este domingo nunha zona montañosa do municipio ourensán de Parada de Sil pertencen a Matilde González Cid, desaparecida desde o ano 2012.
Os restos atópanse á espera de que sexan analizados para determinar a súa identidade, aínda que podería tratarse desta muller, que despareceu o 30 de novembro de 2012 da residencia xeriátrica Luces do Sil cando tiña 78 anos.
Fontes do Instituto Armado sinalaron que todo apunta a que os restos pertencen a esta persoa, xa que nun dos calcetíns atopados figura o nome de Matilde González.
Os restos foron achados na mañá deste domingo por un veciño que se atopaba paseando por unha zona montañosa do municipio ourensán de Parada de Sil.
