Xunta e Farmamundi renovan o convenio para colaborar en accións humanitarias e de emerxencia

A Xunta renovou este luns o convenio de colaboración coa ONGD Farmamundi, cuxo principal obxectivo pasa por atender as necesidades dos colectivos máis vulnerables en situación de emerxencia. Este ano estará dotado cun total de 50.000 euros.

O director xeral de Relacións Exteriores e coa UE, Jesús Gamallo, ratificou este luns coa delegada en Galicia de Farmacéuticos Mundi, Beatriz Villarquide, este acordo, que se asina de forma ininterrompida desde 2009. En total, no últimos nove anos, o orzamento asignado a esta colaboración ascendeu a máis de 410.000 euros.

En virtude deste convenio, realízanse actuacións tendientes a atender as necesidades máis urxentes das poboacións afectadas por catástrofes de orixe natural ou humano, especialmente daqueles colectivos máis vulnerables, a través de actuacións como a provisión inmediata de vés e servizos esenciais para a supervivencia.

Ademais, tamén se actúa co obxectivo de paliar o sufrimento das poboacións afectadas por crises de longa duración e desequilibrios crónicos, como naqueles países e poboacións de menor Índice de Desenvolvemento Humano (IDH).