Feridas dúas persoas tras chocar dous turismos en Vigo

Unha colisión entre dous vehículos que circulaban pola Avenida de Gran Vía no mucipio de Vigo saldouse na noite do luns con dúas persoas feridas.

Segundo informou o 112 Galicia, os dous feridos foron trasladados polos servizos sanitarios a un centro hospitalario tras o accidente rexistrado sobre as 21,50 horas do luns.

Foi a esa hora, cando un dos implicados indicou ao CAE 112 Galicia que se atopaba mal debido ao impacto. Por iso, pasouse aviso a Urxencias Sanitarias de Galicia-061, Policía Local e Protección Civil. Os Bombeiros da cidade tamén foron informados o suceso.