Galicia volve perder autónomos en febreiro

Galicia volve perder autónomos en febreiro, segundo advirte a asociación de traballadores por conta propia da comunidade (ATA) nun comunicado de prensa.

"Mentres que en España hai máis autónomos, máis emprego, menos parados e máis contratación indefinida, en Galicia, un mes máis, baixa o número de autónomos, en todas as provincias, nos principais sectores e tanto homes como mulleres", sinala o presidente de ATA Galicia, Rafael Granados.

En concreto, o segundo mes do ano, a asociación cifra a perda en 229 autónomos, mentres que en España se gañaron 4.041 traballadores por conta propia.