Por Galicia Confidencial | Compostela | 29/03/2017 | Actualizada ás 11:20
A Asemblea contra a Eucaliptización de Santiago e contorna, celebrada esta fin de semana, acordou impulsar accións comúns con outras plataformas do país cos mesmos obxectivos, en concreto coa iniciativa Cousa de Raíces, para establecer sinerxías na loita contra esta especie foránea.
Nese encontro tamén se acordou avanzar na concreción dun marco normativo “que dea cobertura as alternativas existentes ao desenvolvementos do monte imperante” e reclamar “cambios oportunos”. tanto a administración autonómica como as administracións locais.
Ademais, acordouse crear un grupo de traballo para a coordinación e impulso de dita axenda de actividade. Desta asemblea forman parte Erva, Adega, Colectivo A Rula, A Gentalha do Pichel e Federación Rural Galega.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.