SANTIAGO DE COMPOSTELA | 17/04/2017 | Actualizada ás 15:53 por EUROPA PRESS
A Casa das Crechas de Santiago de Compostela acolle este mércores, día 19 de abril, o concerto do artista canario Germán López que, xunto ao guitarrista gaditano Antonio Toledo, presentará o seu novo disco 'Canela y Limón'.
Germán López lanzou o timple, unha guitarra de corda pequena parente do ukelele, deuna a coñecer en todo o mundo. Tras o seu paso polo Womex 2014 celebrado na capital galega, volve á cidade para presentar o seu novo traballo.
Este timplista canario comezou a tocar o timple cando era mozo en certames de novos talentos. Tras iso, en 2006 editou o seu primeiro disco en solitario, 'Timplissimo', ao que seguiría 'Silencio Roto' ou 'De Raíz', co que arrincaría a súa expansión internacional, que o levou por varios países europeos.
O concerto terá lugar a partir das 20,00 horas na Casa das Crechas. As entradas custan 5 euros.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.