Condenado un veciño de Vigo a tres anos de cárcere e unha multa de 613 euros por tráfico de drogas

A sección quinta da Audiencia Provincial de Pontevedra, con sede en Vigo, condenou a 3 anos de cárcere a Marcelo P.R., de nacionalidade uruguaia e veciño da cidade olívico, como autor dun delito de tráfico de drogas.

O acusado foi detido nun operativo policial en abril de 2015, cando se atopaba no exterior dunha cafetaría na rúa Emilia Pardo Bazán. Ata alí desprazáronse varias dotacións do 091 alertadas da posible presenza dunha persoa que se dedicaría á venda de drogas.

O tribunal considera probado que, cando os axentes interviñeron, Marcelo P.R. tirou ao chan un calcetín que contiña no seu interior 15 bolsitas cun total de case 6 gramos de cocaína, e que estaría destinada á venda. Ademais, durante o cacheo de seguridade, os axentes interviñéronlle 100 euros en varios billetes.

A Audiencia considera ao acusado autor dun delito contra a saúde pública por tráfico de drogas e condénalle a 3 anos de prisión, e ao pago dunha multa de 613 euros. Así mesmo, avanza que, cando a sentenza sexa firme, estudará a proposta da defensa de substituír a condena pola expulsión do territorio nacional (xa que Marcelo P.R. atópase en España en situación irregular).