Unha persoa ferida nun choque múltiple en Vigo

Unha colisión entre tres coches rexistrada na tarde deste venres en Vigo saldouse cunha persoa ferida de carácter leve. A vítima foi trasladada a un centro sanitario.

O choque tivo lugar na estrada de Camposancos, na parroquia de Coruxo. Un particular deu conta do ocorrido ao 112 ás 18,15 horas.

O 112 alertou a Urxencias Sanitarias, aos Bombeiros de Vigo, a Protección Civil e á Garda Civil de Tráfico.

Minutos antes, en Narón (A Coruña), rexistrouse unha colisión entre tres vehículos na que non houbo que lamentar danos persoais. O accidente produciuse na Avenida da Gándara.

Segundo os datos facilitados ao 112, os vehículos implicados están a obstaculizar a circulación na vía.

Un particular chamou ao 112 ás 17,50 horas para informar o sinistro e o 112 informou a Protección Civil, á Policía Local e á Garda Civil de Tráfico.