O Banco Pastor renova coa D.O. Monterrei un acordo de financiamento para as adegas debido ás xeadas

O Banco Pastor renovou o seu acordo de colaboración coa denominación de orixe Monterrei, a fin de que os viticultores poidan acceder a financiamento para afrontar os problemas derivados das recentes xeadas.

Diso deu conta a entidade financeira a través dun comunicado de prensa, no que concretou que o acordo se asinou este mesmo martes en Verín (Ourense).

Ao fío deste convenio, salientou o "compromiso" do Pastor cos sectores estratéxicos da economía galega, á vez que puxo en valor que este banco é un "referente para as pequenas e medianas empresas" da comunidade.