Os quiosqueiros acusan aos editores de prensa de “mirar para outro lado” mentres os “matan”

O sector volve saír á rúa para denunciar o "abuso do monopolio da distribución de prensa nacional e revistas". Anuncian que se presentará, coa colaboración do BNG, un proxecto non de Lei para a regularización deste sector.

Por Galicia Confidencial | Vigo | 09/06/2017 | Actualizada ás 12:46

Comparte esta noticia

A plataforma 'Rebelión Kioskos' volveu saír á rúa esta semana para denunciar o "abuso do monopolio da distribución de prensa nacional e revistas". Nunha concentración convocada en Vigo, os quiosqueiros criticaron que "están matando o sector, mentres os editores de prensa miran para outro lado".

Protesta en Vigo dos quiosqueiros
Protesta en Vigo dos quiosqueiros | Fonte: Ernesto IIkerman.

Os vendedores de xornais e revistas en papel veñen advertindo hai xa tempo que esta situación "leva á quebra e ao posterior peche dos nosos negocios".

Desta vez, os quiosqueiros galegos foron apoiados polo BNG, xa que "grazas á iniciativa de Serafín Otero, Manuel Caride, Xabier Peréz Igrexas, presentarase no Parlamento de Galicia a través de Luís Bará, un proxecto non de Lei para a regularización deste sector", anuncian.

"Porque queremos ser os donos do noso negocio, porque é imprescindible unha regularización xusta deste sector, porque tamén temos familia e tamén estamos en risco, porque dependemos do noso negocio para sobrevivir, porque somos os esquecidos, porque non somos Sanidade, Educación, porque só dependemos de nós", expresan os quiosqueiros galegos.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta