Posan cos peitos ao aire para reivindicar o seu dereito ao topless
Polémica nas piscinas públicas de Ourense. Dúas mulleres foron reprendidas por bañarse sen suxeitador e o asunto derivou nunha mobilización feminista.
Por Galicia Confidencial | Ourense | 02/07/2017 | Actualizada ás 22:53
Un grupo de mulleres posaron hoxe cos peitos ao aire nas piscinas de Oira, do Concello de Ourense. Querían así protestar polo acontecido esta semana a Rita e Lucía.
Cando estaban na auga, un vixiante chamoulles a atención por levar os seus peitos descubertos. Aseguroulles que hai un regra non escrita que prohibe bañarse así. Nas normas escritas en carteis e vestiarios non atoparon ningunha referencia a ela.
Molestas, comentaron o seu caso no Facebook, onde esas entradas se convertiron en virais. Nesa rede social tiveorn centos de mensaxes de apoio, algunha ameaza e tamén ducias de peticións de amizade de descoñecidos.
O asunto chegou ao Concello, onde a institución confirmou a existencia da norma de “decoro”. PSOE, a marea de Ourense en Común e BNG mostráronse a prol da reivindicación das mulleres. Reivindicación que hoxe cristalizado no posado que ilustra esta información.
