Necesítase doazóns de sangue, especialmente dun tipo
Varias localidades de tres provincias recibirán estes días a visita da unidade móbil de doazón de sangue.
Por E.P. | SANTIAGO DE COMPOSTELA | 26/07/2017 | Actualizada ás 12:40
Deste xeito, ADOS lembra que para poder atender as necesidades dos centros sanitarios galegos son necesarias 500 doazóns de sangue cada día, polo que subliña a importancia de acudir a doar de todos os grupos sanguíneos.
Co fin de facilitar a doazón, o vindeiro luns, 31 de xullo, acudirán unidades móbiles aos municipios coruñeses de Ferrol --Praza de Armas--, Arteixo --entrada da Rúa Peonil-- e Oleiros --Mera, na entrada da lagoa--.
Ademais, o luns desprazaranse unidades móbiles de ADOS a Lugo --Praza Maior-- e ás localidades ourensás de Cenlle --Praza da Tenencia-- e san Amaro --diante do Concello--.
Na provincia de Pontevedra, o día 31 haberá unidades móbiles nos concellos de Marín --xardíns da Alameda--, Vigo --rúa do Príncipe-- e Tameiga --polígono de San Eleuteiro--.
