Xeoclip: Un novidoso proxecto educativo en galego desde Youtube
Conseguiu xa un premio á innovación polas súas novidosas técnicas educativas.
Por Galicia Confidencial | Malpica | 01/09/2017 | Actualizada ás 09:15
Xacobo de Toro e Adela Otero son os impulsores dunha novidosa canle educativa. Chámase Xeoclip e consiste en lanzar vídeos explicativos sobre xeoloxía e ciencia a través da rede social Youtube.
Tan novidoso e interesante é o seu proxecto que gañaron o premio #ProyectaInnovación: ”Que o pasen ben ca ciencia”. E o certo é que os vídeos educativos de Xacobo de Toro, un mestre do IES Urbano Lugrís (Malpica de Bergantiños) e das súa compañeira Adela Otero, son dun gran nivel.
No marco do proxecto XeoClip, e durante unha licenza de estudos da Consellería de Educación, Xacobo e Adela están usando a rede como aula, para chegar con máis orixinalidade ás cabezas dos pequenos alumnos de xeomorfoloxía. Unha materia que sen dúbida, entra mellor cun pouco de modernidade.
