SANTIAGO DE COMPOSTELA | 23/09/2017 | Actualizada ás 19:53 por EUROPA PRESS
A secretaria xeral de Podemos Galicia, Carmen Santos, denunciou este sábado as prácticas mostradas polo Goberno central para frear o referendo do 1 de outubro: "Superan unha liña vermella que non se pode traspasar nun Estado de dereito".
En concreto, Carmen Santos, tal e como indicou Podemos a través dun comunicado, atópase viaxando a Zaragoza para participar este domingo na Asemblea prol referendo.
"Non hai ningunha escusa para que os que temos como patria á xente, e que estamos frontalmente en contra da corrupción e o malgasto público, permitamos que se vulneren os dereitos fundamentais dun Estado que se di democrático", argumentou a secretaria xeral de Podemos Galicia.
A continuación, tachou de "abusiva e intolerable" a actuación das forzas e corpos de seguridade do Estado contra os organismos oficiais, así como detencións "inxustificadas" e rexistros a medios de comunicación.
"Esta situación de excepcionalidade que se está provocando en Cataluña obríganos a todos e todas a levantar a voz a favor dos nosos dereitos máis básicos, e pedir con máis forza que nunca democracia e diálogo", resolveu.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.