Ferida unha muller embarazada nun accidente de tráfico en Ferrol

Unha muller embarazada resultou ferida o mediodía deste martes nunha colisión frontolateral entre dous vehículos que tivo lugar en Ferrol.

Segundo a información da Central de Atención a Emerxencias 112-Galicia, o suceso ocorreu sobre as 12,30 horas na rúa República Arxentina de Ferrol, onde chocaron dous turismos.

Ata a zona desprazáronse efectivos da Policía Local e de Protección Civil, así como unha ambulancia do 061 para asistir á muller ferida, que está embarazada.

CICLISTA

Por outra banda, un ciclista resultou ferido tamén este martes tras caerse da súa bicicleta mentres circulaba pola Avenida Altántica de Vigo.

O 112-Galicia pasou aviso deste suceso ao 061, así como á Policía Local, aos Bombeiros e a Protección Civil.