SANTIAGO DE COMPOSTELA | 06/11/2017 | Actualizada ás 19:25 por EUROPA PRESS
O festival 'Titiriberia. Olladas sobre os cristovos' celébrase entre este xoves, 9 de novembro, e o domingo en Teo (A Coruña) cun total de 12 funcións de oito compañías.
Este festival está organizado pola Asociación Cultural Morreu o Demo, co apoio da Deputación da Coruña e o Concello de Teo.
En rolda de prensa en Teo deuse a coñecer a programación desta cita coa participación da concelleira de Cultura, Pilar Faxil; a vicepresidenta da Deputación da Coruña, Goretti Sanmartín; e o presidente da Asociación Cultural Morreu o Demo, Anxo García.
Titiriberia é o único festival en España especializado en monicreques tradicionais e contará este ano con compañías de diversas partes da Península.
As galegas Seisdedos Marionetas Tradicionais, Danthea Teatro, Viravolta Monicreques e Monicreques Alakrán compartirán cartel co mestre catalán Eudald Ferré e o grupo portugués Mãozorra. A eles únese o mestre de monicreques italiano Luca Ronga e a compañía franco hispana Pelele.
Este ano recupérase a Feira Cabalar de Francos como lugar para actuacións. Ademais, haberá actividades complementarias como a mesa redonda 'O Patrimonio esquecido' e a proxección da película 'Dom Roberto'.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.