SANTIAGO DE COMPOSTELA | 21/11/2017 | Actualizada ás 14:45 por EUROPA PRESS
A Dirección Xeral de Emerxencias da Vicepresidencia da Xunta informou dun temporal de nivel laranxa por vento en terra que afectará a partir deste mércores ás provincias da Coruña e Lugo.
Segundo as predicións da Axencia Estatal de Meteoroloxía (AEMET), o fenómeno meteorolóxico adverso iniciarase ao redor das 9,00 horas no oeste e suroeste da provincia da Coruña e na Mariña de Lugo, con refachos de vento de até 100 quilómetros por hora
Por este motivo, e co fin de garantir a seguridade dos bens e das persoas, Emerxencias e Interior, a través do 112 Galicia, informou da situación aos concellos das zonas afectadas; así como ás deputacións, servizos provinciais e agrupacións de voluntarios de Protección Civil, entre outros.
Tamén lembra á poboación a importancia de seguir medidas de protección como retirar os obxectos que poidan caer á rúa desde os tellados, balcóns e xanelas e evitar pasar preto de edificios en ruínas, en construción, árbores, paneis publicitarios e outras situacións de risco.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.