Detido un veciño de Porqueira (Ourense) como presunto autor de sete incendios forestais

Efectivos da Guardia Civil da Comandancia de Ourense detiveron este venres a un veciño do municipio ourensán de Porqueira como presunto autor de sete incendios forestais.

Segundo informou o Instituto Armado, o arresto de R.F.S., veciño de Porqueira, produciuse este venres no marco da denominada 'Operación Farel', como presunto autor de sete incendios forestais provocados en distintas datas entre os meses de setembro e novembro deste ano.

Os incendios, concretan as mesmas fontes da Benemérita, producíronse en terreos "de abundante caza menor" e acoutados para a mesma no municipio de Porqueira.

O detido foi posto a disposición do Xulgado de Instrución de Xinzo de Limia, que decretou o seu ingreso en prisión, confirmou o Instituto Armado.