Seis anos de cárcere para un home que agrediu a un veciño en Vigo e que deberá indemnizar con 22.000 euros á súa familia
Tres anos de prisión, por un delito de lesións con deformidade, para o vigués que arrincou a outro o lóbulo dunha orella dunha dentada
Santiago de Compostela | 22/12/2017 | Actualizada ás 19:12 por EUROPA PRESS
A Sección Número 5 da Audiencia Provincial de Pontevedra fixo pública unha sentenza na que condena a un home como autor dun delito de lesións, coa atenuante de dilacións indebidas, á pena de 6 anos de prisión, por agredir a un veciño en Vigo durante unha discusión.
O fallo xudicial suma á pena de prisión a inhabilitación para o dereito de sufraxio pasivo polo tempo da condena e a obrigación de indemnizar á esposa e fillos da vítima, que faleceu. A resolución non é firme e contra ela cabe interpor recurso de casación ante a Sala Segunda do Tribunal Supremo.
Os feitos probados certifican que, sobre as 16,05 horas do 2 de agosto de 2013, na escaleira dun edificio en Vigo, Manuel Montoya tivo unha discusión cun veciño, no curso da que, con ánimo de menoscabar a súa integridade física, propinoulle "un forte lapote" no ollo esquerdo "derrubándoo ao chan".
Como consecuencia do impacto, sufriu un corte profundo no glóbulo ocular esquerdo requirindo tratamento cirúrxico e que lle produciu secuelas na visión, xa que "o resultado final" foi a perda total de visión no dito ollo esquerdo.
Por tal motivo, foi condenado como responsable dun delito de lesións.
TRES ANOS DE PRISIÓN
A Sección Número 5 da Audiencia Provincial de Pontevedra tamén fixo pública outra sentenza na que condena a tres anos de cárcere a un vigués como autor dun delito de lesións con deformidade por arrincar a outro o lóbulo dunha orella dunha dentada.
Á marxe da pena de cárcere e a inhabilitación especial do dereito de sufraxio pasivo durante o tempo da condena, José Manuel Martínez tamén deberá indemnizar á vítima con 15.025 euros. Contra o fallo xudicial, cabe recurso de apelación ante o Tribunal Superior de Xustiza de Galicia (TSXG).
Os feitos probados remóntanse ao 6 de agosto de 2016 e tiveron lugar nunha zona de terrazas de lecer, sobre as 18,20 horas.
O agora condenado acompañaba a unha moza, que mantivo unha discusión coa vítima, J.R.P. Foi entón cando este se abalanzou sobre el, encerellándose e caendo ambos os ao chan.
No transcurso da pelexa, José Manuel Martínez mordeu á vítima arrincándolle o lóbulo da orella dereita.
PELEXA EN BAIONA
Unha terceira sentenza da Sección Número 5 da Audiencia Provincial de Pontevedra condena a un home que propinou a outro unha puñada na cara no peirao de embarcacións deportivas de Baiona (Pontevedra), causándolle como consecuencia diversas contusións na cara.
A condena, por un delito de lesións, concorrendo as atenuantes de reparación do dano e dilacións indebidas, consiste nunha pena de multa de 23 días cunha cota diaria de seis euros (138 euros en total).
