Pídenlle á Xunta que os guías do Parque Nacional das Illas Atlánticas sexan profesionais acreditados

A Asociación de Guías Acreditados das Illas Atlánticas de Galicia (AGAIA) pide que a Plan Rector de Uso e Xestión (PRUX) do parque nacional recolla a necesidade de que os guías do mesmo sexa persoal profesional e acreditado.

Nun comunicado, AGAIA aseguro que xa lle trasladou esta petición á Xunta  “co fin de conseguir divulgar os segredos e valores deste impresionante espazo, buscando un turismo sostenible de calidade”. Por iso, agarda que os xestores do Parque Nacional escoiten as súas necesidades e as reflexen no documento final, que se atopa en período de redacción.

AGAIA é unha asociación sen ánimo de lucro que traballa para promover e fomentar a divulgación e a conservación dos recursos patrimoniais. Defende os intereses legais e laborais das persoas asociadas promovendo a profesionalización do seu traballo. “Sobre todo, fomenta o uso público de calidade para conseguir os obxectivos de divulgación e conservación do Parque Nacional Marítimo-Terrestre das Illas Atlánticas de Galicia e da súa contorna”, suliña nun comunicado.