A Deputación da Coruña promociona en Fitur a provincia, co Gran Fondo de Ézaro como protagonista

A Deputación da Coruña presenta na XXXVIII edición da Feira Internacional de Turismo (Fitur) as propostas turísticas da provincia, "co Gran Fondo de Ézaro como protagonista", segundo informa o organismo provincial.

En concreto, esta proba, que figura este ano no calendario oficial das World Series da Unión Ciclista Internacional (UCI), formará parte da presentación que esta institución levará a cabo o mércores.

A responsable da área de Turismo da Deputación, Xosé Regueira; o alcalde de Dumbría, José Manuel Pequeño, e o exciclista Ezequiel Mosquera participarán na presentación dun evento "dinamizador da comarca, coa implicación de concellos limítrofes", lembra o organismo provincial.

Por outra banda, sinala que unha imaxe renovada, con novos soportes publicitarios e máis información sobre a oferta da provincia, ao redor de seis "xeodestinos", serán a principal aposta da área de Turismo en Fitur, que se celebrará do 17 ao 21 deste mes.