Por E.P. | SANTIAGO DE COMPOSTELA | 17/01/2018 | Actualizada ás 10:21
A Dirección Xeral de Emerxencias e Interior da Vicepresidencia da Xunta alerta dun temporal de nivel vermello no litoral das provincias da Coruña e Lugo.
Segundo informou a Vicepresidencia da Xunta nun comunicado, a Axencia Estatal de Meteoroloxía (Aemet) sinala que a partir das 12,00 horas deste mércores espérase mar combinada do noroeste con ondas entre oito e nove metros, no noroeste e oeste da provincia da Coruña e en todo o litoral lucense.
No resto do litoral galego, engade Vicepresidencia, mantense a situación de alerta laranxa con mar combinada do noroeste con ondas que poden superar o sete metros.
Por iso, a Xunta lembra á poboación a importancia de seguir as medidas de protección como evitar aproximarse a diques ou rompientes co fin de previr un eventual golpe de mar que poida arrastrar persoas ou obxectos e vixiar posibles caídas de obxectos desde balcóns e xanelas.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.