Por Galicia Confidencial | Ferrol | 14/02/2018 | Actualizada ás 10:25
“Como funcionaria de Xustiza solicito a esta administración que realmente sente a negociar cos traballadores, que deixe de argumentar con falacias e mentiras, que soltar todo este lixo á cidadanía non vai supoñer unha solución. Os traballadores xa non aguantamos máis estar pisados”. Son as críticas que fai Carmen Rodríguez, unha funcionaria de Xustiza nun artigo de opinión publicado no GC Aberto, a sección para que os lectores e entidades poidan escribir a súa opinión directamente.
Baixo o título de “O conflito da Xustiza desde as barricadas”, Carmen lembra que os funcionarios piden “igualdade cos compañeiros doutras autonomías”. Ademais, lembra que na xornada de folga do 25 de xaneiro case 2.000 traballadores da administración de xustiza en Galicia, dun total de 2.700, estiveron na manifestación de Santiago de Compostela.
Suliña que non foron eles os que se levantaron da mesa e pídelle a Xunta que volva sentar para negociar. “Creo falar en nome dos meus compañeiros e compañeiras, se digo que nesta loita imos chegar ata o final”, di. O seu artigo completo en GC Aberto.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.