VIGO | 14/02/2018 | Actualizada ás 20:08 por EUROPA PRESS
O menor de 2 anos de idade ao que o seu pai, Ismael G.O., levou de Suíza o pasado 14 de xaneiro sen consentimento da nai, reencontrouse este xoves coa súa proxenitora en instalacións dos xulgados de Vigo, e coa supervisión dunha psicóloga, segundo confirmou a propia muller a través das redes sociais.
Laila A. trasladouse a Vigo desde Zúric, onde traballa e vive coa súa familia, e puido compartir un intre co pequeno, antes de marcharse para regresar á cidade suíza.
Segundo ela mesma explicou a través de redes sociais, volverá comparecer en sede xudicial nunha vista fixada para o próximo 5 de marzo. Mentres tanto, poderá comunicarse todos os días, ás 19,00 horas, co seu fillo a través de videoconferencia (Skype), segundo "mandato xudicial".
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.