Por E.P. | SANTIAGO DE COMPOSTELA | 18/03/2018 | Actualizada ás 11:54
A Asociación Animalista Libera! e a Fundación Franz Weber levaron adiante esta iniciativa ao entenderen que se trata dunha "auténtica aberración pedagóxica e social", o feito de que asistan menores de idade a cazarías.
As entidades animalistas puxeron en marcha a campaña #NoEsUnJuego, para recoller sinaturas a través da plataforma Change.org. Abren o debate sobre "a presenza ou participación de persoas menores de idade" en prácticas de caza. Apuntan tamén "risco e a banalización da violencia" que pode implicar no "desenvolvemento psicosocial e moral" dos mozos.
En Galicia a Lei de Caza de 2013 permite a participación de menores de entre 16 e 18 anos en cazarías. Pero as asociacións animalistas advirten que existe "unha rumoroloxía crecente sobre a presenza de persoas de inferior idade en todo tipo de batidas na comunidade", expondo así á adolescencia a actos de "recoñecido risco, como accidentes ou disparos perdidos".
As organizacións denuncian os "intentos" do sector de rebaixar a idade mínima legal para cazar aos 14 anos, o que, ao seu xuízo, "pon enriba da mesa un problema moi severo" como o é "a facilidade para demandar que menores poidan portar armas" e, como consecuencia, a "militarización da sociedade ao máis puro estilo norteamericano". Neste sentido, aseguran que os colectivos procaza "tratan de efectuar estas modificacións legais como resposta á falta da substitución xeracional" nunha actividade "que perdeu toda utilidade e funcionalidade tradicional".
CANS ENCADEADOS
As asociacións Libera! e Franz Weber censuraron o encadeamento de cans en Galicia, que cifran en 301 casos nos que en "apenas unha decena parecen tomarse medidas respecto diso" o 3,32 por cento das denuncias, sobre o cal urxen a creación dun plan específico de inspección e vixilancia.
Os animalistas lembraron que a entrada en vigor hai máis de dous meses da Lei de Benestar Animal na Comunidade contempla sancións entre os 501 e 5.000 euros para estes casos e para outro uso de dispositivos que limiten os seus movementos ou modifiquen o seu comportamento con crueldade.crueldade.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.