Galicia rexistrou xa tres terremotos nun mes

Galicia rexistrou neste mes de marzo tres terremotos que, aínda que de pequena intensidade, amosan a gran actividade sísmica que está tendo lugar no noroeste peninsular logo de que tamén o pasado mes de decembro foran cinco os tremores detectados.

O último tivo lugar este luns en Berreá e tivo unha magnitude de 2,3. En concreto, o epicentro situouse nas inmediacións do núcleo de San Román (coordenadas 42.9 e -7.0), sinala o instituto.

Tamén outro tremor de magnitude 2,6 foi rexistrado este domingo no municipio ourensán de Monterrei, segundo os datos do Instituto Xeográfico Nacional. En concreto, o epicentro situouse nas inmediacións do núcleo de Albarellos e a unha profundidade de 12 quilómetros.

O 12 de marzo o terremoto era dunha magnitude de 3,6 e foi rexistradofronte á costa galega, segundo os datos do Instituto Xeográfico Nacional.