A Xunta proporá volver conxelar as taxas universitarias e baixar o prezo dos másteres habilitantes
O PSdeG pide "democratizar o acceso e ampliar a oferta" destes estudos.
Por E.P. | SANTIAGO DE COMPOSTELA | 25/04/2018 | Actualizada ás 12:00
O presidente da Xunta, Alberto Núñez Feijóo, anunciou este mércores que proporá que, no próximo curso, se volvan a conxelar as taxas universitarias "por sétimo ano consecutivo" e tamén baixar o prezo de másteres habilitantes --imprescindibles para exercer profesións como a de avogado ou profesor de Secundaria, entre outras-- até equiparalo co dos graos.
Feijóo ratificou que trasladará esta proposta as tres universidades galegas nunha sesión plenaria na que o socialista Xoaquín Fernández Leiceaga alertou do dano que o "escándalo Cifuentes" está a facer aos estudos de posgrao.
O portavoz parlamentario socialista reclamou a colaboración entre Xunta e universidade para "democratizar o acceso e ampliar a oferta" destes estudos cunha serie de propostas, entre elas a articulación dun sistema "complementario" de axudas" para cursar másteres; Feijóo replicou que "todo iso xa se está facendo" en "colaboración" coas universidades.
