PONTEVEDRA | 19/05/2018 | Actualizada ás 11:10 por EUROPA PRESS
Un home que saíra a pasear en bicicleta foi atopado falecido nunha pista forestal do lugar de Donón, na parroquia do Hío de Cangas, nunha zona coñecida como O Corral de Barra.
Segundo informou o CIAE 112 Galicia, efectivos de Protección Civil informaron da aparición do home, que faltaba desde a tarde do seu domicilio, sobre as 3,50 horas da madrugada.
En concreto, un familiar avisou sobre a medianoite que o home non regresara ao seu domicilio despois de saír a dar unha volta en bicicleta sobre as 19,30 horas da tarde.
A partir deste momento, o CIAE 112 Galicia informou o suceso ao servizo de Urxencias Sanitarias 061, a Protección Civil de Cangas e á Garda Civil.
Fontes do operativo de emerxencias explicaron a Europa Press que se baralla que o home falecese por unha causa natural.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.