Por Carlos González Armada | Vigo | 05/06/2018
Ante iso pensamos que Actúa era máis necesario aínda en Galicia que no resto do estado, aínda que é certo que só cada territorio coñece as particularidades do seu territorio, e por iso decidimos poñer en marcha o proxecto Xuntos Actúa, e por iso Xuntos Actúa debía posicionarse ante a situación política estatal, e así o fixo apoiando este novo goberno que comeza, pero facéndoo coa intención de vixiar que se realicen as actuacións que Galicia, e o resto do estado español, precisan dun novo goberno, comezando por rexenerar a democracia.
Non obstante o anterior os sucesos ocorridos lévannos a facernos varias preguntas que deben facernos pensar e razoar erros, ter autocritica. e non cometer os mesmos erros nun futuro.
Por que fomos dúas veces a eleccións en 2015 e 2016, e non se pactou antes este goberno de esquerdas?
Por que todo este tempo perdido onde se entregou Galicia ao PP e case Cataluña a Cidadáns?
O novo goberno será capaz de resolver o problema de Cataluña e evitar un novo 155?
Podemos será un instrumento de cambio, ou se plegará a todas as necesidades do PSOE?
Saberá gobernar o PSOE un ano cos orzamentos do PP e Cidadáns?
Saberá Podemos limitar a utilización dos orzamentos do PP e Cidadáns ao esencial e obrigar ao PSOE a buscar fórmulas alternativas de financiamento para executar mais accións de necesidade social?
Estes días todo serán felicitacións e marabillas vendo a morte de M. Rajoy, a baixada dun partido que nos fixo dano socialmente e que se enriqueceu á nosa costa, pero despois da festa virá a reseca, despois haberá que gobernar, haberá que facer oposición, haberá que discutir e demostrar, porque despois deberá de verse se realmente se vaise a querer rexenerar o estado democrático ou se só puxemos unha tirita na ferida, porque despois, se isto non funciona, veremos como o PP non morre, Cidadáns creceu, e o PSOE quedou un pouquiño mais desacreditado, e veremos como en Podemos deberase rexenerar o discurso para non morrer de éxito, virá a resaca que poderá ser doce se se fan ben as cousas, ou amarga se se falla.
O PSOE deberá de cumprir toda a axenda social que a ciudadania demanda por dereito…eliminar a lei mordaza, eliminar a reforma laboral, modificar a lei educativa, solucionar o problema territorial, devolver dereitos e liberdades perdidas, redistribuír a riqueza, acabar cos salarios en precario, profundar en igualdade e acabar coas politicas machistas que outorgan mais prebendas aos homes por ser homes, acabar co abuso das institucións sobre o tutelaxe dos nenos de acollida, etc, etc, etc….e Podemos debera de ser garante e avalista de que iso se cumpre, debera de apoiar ante as actuacións dirixidas neste sentido, e frear as que non se dirixan a este camiño, e esixir, sobre todo debera de esixir moito, esixir que se realice todo o que a ciudadania necesita para mellorar o benestar dos de abaixo.
En Galicia moito témome que seguiremos á cola de toda regeneracion, se é que esta ocorre, porque aquí o PP clientelista segue dominando e mantendo un folgado poder, porque o PSOE en Galicia nin está, nin se lle espera, salvo en Vigo, porque EnMarea esta en fase zombie, porque Podemos Galicia nunca existiu, e tras o ultimo esquecemento de Pablo Igrexas no seu discurso vese que segue sen existir, porque Anova está en fase de autoexterminacion, porque só quédanos o BNG…e o BNG só non pode…por iso, por todo iso entendemos, equivocadamente ou non, que se necesita ACTÚA, pero esencialmente necesítase en Galicia Xuntos Actúa, porque non podemos permitirnos o luxo de desaproveitar esta probable nova era.