Pontevedra quere plantar cara aos incendios forestais cunhas xornadas internacionais
Con motivo do Día Mundial do Medio Ambiente a Fundación Agreste celebra un encontro que contará coa presencia de expertos nacionais e internacionais.
Por Galicia Confidencial | Santiago de Compostela | 04/06/2018 | Actualizada ás 12:22
A Delegación española da Fundación Agreste, xunto coa Embaixada dos Estados Unidos en España, organiza a conferencia "El valor de los ecosistemas frágiles para el desarrollo sostenible". O encontro terá lugar o martes cinco de xuño ás 19 horas no Pazo da Cultura de Pontevedra.
Entre os expertos que participarán neste evento estará o Dr. Richard Byron-Cox, responsable do Mercado de Creación de Capacitaciónss e do Programa de Alineación de Accións da Convención de Nacións Unidas de Loita contra a Desertificación (UNCCD). Byron-Cox falará sobre o concepto de Neutralidade na Degradación de Terras, incluido na Meta 15.3 dos Obxectivos de Desenvolvemento Sostible.
Outro dos expertos que participarán na conferencia é Scott Ludwig, físico científico da Administración de Minerais e Xeoloxía do Servizo Forestal do Departamento de Agricultura dos Estados Unidos. A súa ponencia tratará sobre a recuperación dos bosques despois dun incendio forestal. O Dr. Enrique Valero, Profesor de titular e Director do Grupo de Investigación AF4 da Universidade de Vigo, responsable do estudo de vías para compatibilizar os usos forestais e gandeiros en Galicia, tamén participará.
O evento estará coordinado por Julián Varela, Fundador da Fundación Agreste, e por Griselda Marrero Duarte, Presidenta da Fundación. O alcalde de Pontevedra, Miguel Anxo Fernández Lores, tamén participará na inauguración. O evento é gratuito e os participantes obterán un diploma de participación.
