Aparece un suposto menhir con forma humana na Estrada
A suposta pedrafita está chantada nunha leira denominada A Bighoia (ou Vighoia). Foi inventariada polos integrantes do colectivo Capitán Gosende.
Por Galicia Confidencial | A Estrada | 25/06/2018 | Actualizada ás 09:00
A suposta pedrafita acada os 120 cm de alto. A 95 cm da base, o chantón presenta unha entalladura, a xeito de pescozo, que lle confire unha fasquía antropomorfa.
Segundo apunta o investigador Carlos Solla, de Capitán Gosende, tomando como referencia a anatomía humana, a cabeza da figura posúe unhas dimensións de 25 cm de alto, 20 cm de perfil e 12 cm de fronte. Por debaixo da fenda do pescozo, o resto do corpo visíbel ten as seguintes dimensións: 95 cm de alto, 25 cm de costado e 15 cm de peito/costas.
"Crese que a sección oculta afúndese na terra 1 metro, polo que a altura total da anta atinxiría os 220 cm, aproximadamente", indica. Máis información na web colaboradora Historia de Galicia.
