Trasladado en helicóptero un home que sufriu unha indisposición mentres se bañaba na praia de Coira en Porto do Son

Un home tivo que ser evacuado este xoves en helicóptero medicalizado con base en Santiago até un centro sanitario, despois de sufrir unha indisposición mentres se bañaba na praia de Coira, en Porto do Son (A Coruña).

O 112 Galicia tivo constancia do suceso ás 19,00 horas, por mor da chamada dunha persoa particular, que solicitaba unha ambulancia ante un posible afogamento.

Tras recibir o aviso, o persoal do CIAE 112 Galicia púxose en contacto con Protección Civil, a Garda Civil, a Policía Local e o 061-Urxencias Sanitarias, que mobilizou a aeronave até o areal.