Por E.P. | SANTIAGO DE COMPOSTELA | 24/07/2018 | Actualizada ás 20:41
O Concello de Ferrol segue avanzando no proceso de regularización da tumba da familia Franco Baamonde situada no cemiterio municipal de Catabois. O alcalde, Jorge Suárez, declarou este martes que o primeiro que farán será "virar os recibos correspondentes", polo que realizarán á familia Franco "un requirimento de pago" tal e como "contemplan as ordenanzas."
No caso de que a familia Franco non abone esta cantidade requirida polo Consistorio, o rexedor local afirmou que "a concesión reverterá a titularidade municipal." Jorge Suárez tamén deu a coñecer que "hai outra vía" para que o consistorio poida facerse coa titularidade desta tumba, que sería "revogar o acordo que se tomou na comisión de goberno de 1967".
Así, o alcalde recoñeceu que "as concesións públicas non se poden regalar e deben seguir os trámites administrativos perceptivos", porque esta tumba foi concedida "pola súa suposta condición de fillo ilustrísimo de Ferrol", algo que o rexedor local afirmou que "non é digno" e tampouco é "libre nunha democracia manter este tipo de privilexios".
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.