Renovado o convenio entre Deputación da Coruña e USC para investigar métodos de erradicación da velutina
No mesmo encontro, o reitor da USC e o presidente da Deputación acordaron manter os lazos de colaboración en materia de emprendimento, investigación e cultura.
Por E.P. | A CORUÑA | 23/08/2018 | Actualizada ás 16:19
A Deputación da Coruña e a Universidade de Santiago de Compostela (USC) renovarán nos próximos meses o convenio para investigar novos métodos de erradicación da vespa asiática, segundo informa o organismo provincial. Así o concretaron o presidente da institución coruñesa, Valentín González Formoso, e o novo reitor da USC, Antonio López, nun encontro no que acordaron manter os lazos de colaboración en materia de emprendimiento, investigación e cultura.
Tras a reunión, ambos destacaron a colaboración entre ambas entidades tanto no aspecto académico como en materia de investigación, así como en actuacións vinculadas coa cultura ou a mellora de infraestruturas. Ademais, segundo informa o organismo provincial, concretouse renovar o convenio para financiar unha investigación sobre os novos métodos de erradicación da vespa velutina, e que, no seu primeiro ano, a Deputación coruñesa financiou con 137.378 euros.Con estes fondos, apóiase un equipo multidisciplinar, no que participan investigadores dos departamentos de Anatomía Patolóxica, Química Orgánica, Edafología, Química Agrícola, Economía Aplicada e I+D+i da USC.
