Por Galicia Confidencial | Melide | 13/09/2018 | Actualizada ás 11:22
Galiza Nova, mocidades do BNG, veñen de realizar unha campaña en contra dunha exposición inaugurada na Casa da Cultura de Melide sobre o Exérctio español. Un feito que para os nacionalistas supón que o PP –que ten a alcaldía do concello-- “quere decretar o estado de sitio” por tenta reprimir as súas críticas.
“Nós sempre defendemos e defenderemos o antimilitarismo, o desarme, a cultura de paz, o internacionalismo e o antiimperialismo, valores todos eles que non promove o exército español, quen participou e segue a participar de guerras imperialistas das que son vítimas moitas persoas ao longo de todo o mundo”, sinalou Brais Varela, un dos voceiros de Galiza Nova en Melide.
“Desde Galiza Nova non podemos máis que amosar a nosa repulsa a este tipo de propaganda belicista e que esta ocupe espazos públicos que sen dúbida deberan ter un mellor uso no noso Concello” indicou Alberte López, outro dos voceiros de Galiza Nova en Melide.
Ademais, as mocidades do BNG denunciaron que polo simple feito de estar diante dun espazo público como é a Casa da cultura manifestando a súa opinión, recibiron o apercibimento primeiro dunha persoa que dixo ser funcionaria do Concello e despois da Policía Local, “que retirou a pancarta”. Por iso, denunciou que o PP "non tolera a liberdade de expresión e que semella querer decretar en Melide un estado de sitio” concluíron.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.