Controlado o incendio de Vilardevós logo de queimar 46 hectáreas

O incendio forestal iniciado na parroquia de Terroso, no municipio ourensán de Vilardevós, quedou controlado logo de queimar 46 hectáreas de monte raso.

Diso informou este mércores a Consellería de Medio Rural nun comunicado, no que sinala que o lume, que comezou ás 20.31 horas do martes, quedou controlado ás 13.15 horas deste mércores.

Nas tarefas de extinción participaron desde o inicio do incendio un total de 14 brigadas, sete motobombas, tres axentes e unha pa.